အနန်းကွင်းရွာ(အင်္ဂလိပ်: Ahnankwin)သည် ကရင်ပြည်နယ်၊ ကော့ကရိတ်ခရိုင်၊ ကြာအင်းဆိပ်ကြီးမြို့နယ်၊ အနန်းကွင်းကျေးရွာအုပ်စု၌ တည်ရှိသည်။ ဝင်းရော်မြစ် အနောက်ဘက်ကမ်းနှင့် သေမင်းတမန် ရထားလမ်းပေါ်တွင် တည်ရှိသည်။ ရွာနေရာကုတ်မှာ ၁၇၀၇၉၆ ဖြစ်သည်။ ၂၀၁၄ သန်းခေါင်စာရင်းအရ အနန်းကွင်းကျေးရွာအုပ်စုတွင် အိမ်ခြေပေါင်း ၆၅၄ အိမ် ရှိကာ၊ လူဦးရေစုစုပေါင်း ၃၆၉၀ ဦး နေထိုင်သည်။ ဘုရားငါးဆူမှသည် အနန်းကွင်းထိ ၃၂ မိုင်ရှည်သော မုဒုံ-ဘုရားငါးဆူ-တံခွန်တိုင်-ဖားပြ-အနန်းကွင်း ကားလမ်း ရှိသည်။ အနန်းကွင်းတံတားသည် ပေ ၅၀၀ ရှည် သံကူကွန်ကရစ်အမျိုးအစား ဖြစ်ကာ၊ ၂၀၁၆ တွင် တည်ဆောက်သည့် ကားလမ်း ဖြစ်သည်။ ဘုရားငါးဆူ-တံခွန်တိုင်-တောင်ဒီးဖားပြ-အနန်းကွင်းလမ်း တံတားအမှတ်(၁/၂)သည် ပေ ၅၀ ရှည် ကွန်ကရစ်အမျိုးအစား ကားလမ်း ဖြစ်သည်။ ကျေးလက်ကျန်းမာရေးဌာန ရှိသည်။